Pages

Monday, December 30, 2013

ရခိုင်နိုင်ငံတော်ကြီး ကျဆုံးခရေ နှစ်(၂၂၉) နှစ်မြောက် ၀မ်းနည်းခြင်းအထိမ်းအမှတ်



 (ဖြစ်ပျက်ခရ ရခိုင်ရို.ဘ၀ ၊ ဖြစ်ပျက်နီရ အေနိကာလ ရခိုင်ရို.ဘ၀)

(၁) သဇင်ပန်းခိုင် တမြိုင်မြိုင် ရခိုင်ဘုရားပေါင်း(၆၃၅၂ရ၅၅)

ရခိုင်.ဌာနီ လခြမ်းမြီက ရခိုင်ပြည်တ၀န်း မြင်လီတိုင်းမာ ဘုရားစာတီ ပေါများလီရေ ဗျာဒိတ်တော်ရ ကမ်းခြီလှက ကြက်ပျံမကျ စည်ကားလီခ အယင်ခေတ်က လခြမ်းမြီလှ ..........။
ဒေချိန်ကာလ ရောက်လို.လာခ ပေါပြည်.လီခ စာတီလှတိ ပျက်စီးယိုယွင်း ဆက်ပျက်ယွင်းပင် ရီညှိရောင်တက် မွဲပြာဆက်ဗျာလ် ထွေနားတစ်စု ကျောက်ပုံစုတိ ဒေနားတစ်စု အစုစုရို. မွဲပြာဆက်ကျ ဆက်ကျယင်းပင် ရင်ကွဲနာကျ ဖြစ်နီရ ...........။

(၂) ဘားဘူဟိယင်.ဆန်ဟိယင်. ၊ ဒိုင်းကျီဟိယင်. ရီဟိယင်.

အယင်အချိန် ရာထောင်ချိန်က ရခိုင်ပြည်ကြီး နိုင်ငံကြီးကား အစားဆန်ရီ ပေါပြည်.လီရေ ရခိုင်.ကမ်းခြီ သန္တာမြီက ရခိုင်ရို.စန်း နတ်ကြငှန်းပိုင် ရွှီရောင်ဝင်းဝင်း စပါးခင်းတိ ပြည်.လို.နီခ ရက္ခပူရ တိုင်းဓည .........။
အေချိန်ကာလ ပစ္စက္ခမာ စပါးဝမ်းစာ ပြည်.တင်းမလာလို. နိုင်ငံရပ်ခြား တိုင်းတစ်ပါးကို မိဝီးဖ၀ီး ဆွီမျိုးဝီးဗျာလ် ဖေသာဒင်္ဂါး ရဖို.လားလို. ထွက်ခွာလားရ ရခိုင်ရို.ဘ၀ ကျွန်ဘ၀နန်. သက်ဆက်ယက်ပင်း ဆက်ယက်ပင်းပင် ရင်တွင်းဟောင်းလောင်း ၀မ်းဟောင်းလောင်းနန်. ငတ်ပြတ်နီရ ငတ်နီရ ........။


(၃) ဥသြရီသောက် ရခိုင်ပြည်မာ ထီးနန်းပျောက် (၁၁၄၆)

ရခိုင်သက္ကရာဇ် ပြန်လို.စစ်ကေ တစ်ထောင်.တစ်ရာ လေးဆယ်ခြောက်ခု လကားပြာသိုလ် ဆုတ်မာခုနှစ်ခု နိကားစနီ ရောက်လို.လာခ တစ်ချိန်ခါက ဖြစ်ပုံပျက်တိ လောကငရဲ ၀ဋ်ဆင်းရဲကို ရောက်လားခရေ ရက္ခိတနွယ် ရခိုင်ရို.လေ .........။
ဒေနိကာလ သုညဘ၀နန်. ထီးသှဉ်းနန်းသှဉ်း ပျက်သှဉ်းသုံည ထိုသုံးဝရို. မုန်းတိုင်းလဗွီ ထခလီပိုင် ဒုက္ခဆင်းရဲ သွီးအိုင်ထဲက အော်ဗျာလ်ကျွီးသံ ပပွတ်ညံဗျာလ် ဖြစ်နီခရ ရခိုင်ရို.ဘ၀ " အိမ်ရာတိုင်စင် လလဲ.စင်ဗျာလ် " ဖြစ်ခကတ်စွာ သိကတ်ယင်.လား သိယင်.လား .......။
ခရစ်သက္ကရာဇ် ရွီလို.စစ်ကေ နှစ်ကားထောင်ကျော် ခုနှစ်ရာနန်. ဆယ်ကားရှစ်ဆယ် စွန်းဝယ်လေးခု လကားဒီဇမ်ဘာ နိမာသုံးဆယ်.တစ် ရောက်လို.လတ်တေ အချိန်ကာလ ဖြစ်ပုံပျက်မာ နယ်ချဲ.အမျိုး ပဒေသရာဇ်မျိုးနန်. သွီးမစစ်မျိုးတိ ၀င်ဗျာလ်လုယက် တွိလူသတ်ဗျာလ် မြောက်ဦးနန်းမြီ ရာဇမြီကို မီးလှောင်တိုင်သွင်း ပြာပုံဆင်းယောင် တထွတ်ကြွီဗျာလ် လုပ်ခကတ်တေ လုပ်ခရေ ...........။
မြောက်ဦးထီနန်း ဟြှိဖက်လှမ်းကေ အပြင်တံတိုင်း ကာဗျာလ်သိုင်းရေ ရီကျုံးနွံကျုံး ကျုံးတိခြောက်ရို. ထားခကတ်တေ ကျုးံမာအခြောက် ပြင်လယ်ခေါင်အောက်မာ ရခိုင်ခေါင်းပြတ် စုပုံထပ်ဗျာလ် ထားခကတ်တေ အေနိတွင်ခေါ် ခေါင်းပုံပြင်ဝယ် သွီးပင်လယ်ကြီး အတိစီးခ ထိုအချိန်ကာလ ရခိုင်ရို.ဘ၀ ဖြစ်ပုံပျက်တိ .......... ။
အေနိအချိန် မျက်မှောက်ချိန်လေ. သူလေ.ကျွန်ဖြစ် ငါလေ.ဖြစ်ဗျာလ် သက်ဆက်လို.နီ ဖြစ်ပျက်နီရေ ငါရို.ဘ၀ ဖြစ်ပုံပျက်တိ ပြောင်းပြန်လှန်မေ လှန်ကတ်မေ ရိုးတောင်ခြီကို ပြန်ကတ်မေ ဗြိန်းစောင်တီးကေ ညီကတ်မေ လက်တိဆက်ဗျာလ် လားကတ်မေ ဗြိန်းစောင်တီးကေ လာကတ်ဝေ .............။

(၄) တင်းဝါးပန်းခိုင် တမြိုင်မြိုင် ရခိုင်လူသီအလောင်း(၇၄၅၂၇၅၅)

ရခိုင်ပြည်ကြီး ရင်စည်တီးဗျာလ် မီးလှောင်တိုက်သွင်း ဖ၇ိုးဖရာပျက်ယွင်းပနာ အဟြှိအနောက် တောင်နန်.မြောက်ကို ခြီဦးတည်ရာ သက်ချမ်းသာရာကို ထွက်ဗျာလ်ဗြီးကေ ထွေမာတစ်စု ဒေတစ်စုနန်. ကရားငါးပါး ဖြစ်ဗျာလ်လားကတ် မိဝီးဖ၀ီး သွီးချင်းဝီးခ ဖြစ်ကတ်ရရေ ယင်းချိန်ကာလ ရခိုင်ရို.ဘ၀ " ကမ်းနားသစ်ပင် " ဖြစ်ခရေ ...........။
" ကျူပင်ကိုခုတ် ကျူငုတ်မကျန်စေနဲ. " လတ် လူငယ်လူကြီး တာမရွီးပဲ တွိရေလူခွတ် ဘီလူးမွတ်ရို. မိ့မအချေ မတွေဝေပဲ ပို.ခသီတွင်း ဖြစ်ပျက်ဆင်းက ကာလငရဲ ၀ဋ်ငရဲကို ကျခကတ်တေ ရက္ခိတအနွယ် ရခိုင်ရို.လေ ........။
ရခိုင်.ပင်လယ် နက်မှောင်လီကေ အလှမ်းကျယ်ပြော ပင်လယ်တောမာ လောင်းကြီးလောင်းချေ အသွယ်သွယ်ရို. ပပြည်.စီဗျာလ် ဟိခလီရေ ယင်းအချိန်ကာလ ဖြစ်အပျက်မာ မုန်းတိုင်းလဗွီ ထပြန်လီကေ လောင်းကြီးလောင်းချေ အသွယ်သွယ်ရို. မြုပ်ဗျာလ်ကွယ်ပျောက် သီတွင်းရောက်ခ ရွီတွက်မရ ယင်းအချိန်ခါက ........။
အစာရီစာ ငတ်ပြတ်လာလို. ဒုက္ခဆင်းရဲ ၀ဋ်ငရဲမာ သီခတစ်ဖန် ဟိလီပြန်ရေ ရေဂါကပ်ဆိုး မွှီန်ဗျာလ်ထိုးလို. အသက်ပီးခ ဖြစ်ပုံပျက်တိ ယင်းအချိန်ကာလ ရခိုင်ရို.ဘ၀ ........။
ရိုးမတောင်တန်း သွယ်ဗျာလ်တန်းရေ တောကြီးတောင်ကြီး ဟေမ၀န္တာကြီးကို ထွက်ဗျာလ်ဗြီးလား ကျော်လို.လားရေ အဖွဲ.အစု အစုစုရို. သားရဲတွင်းလက် ရောက်လားကတ်တေ ဖြစ်ခကတ်ရ ယင်းအချိန်က ဒုက္ခဆင်းရဲ ၀ဋ်ငရဲ၇ို. ကျခထက်ပက် ရောက်လားခရေ ရခိုင်၇ို.လေ ဘ၀လေ ..........။
ဒေအချိန်အေဂု မျက်မှောက်ပြုမာ နီရာဌာန အသီးသီးက ရခိုင်လူမျိုး ကမ္ဘာ.ရွာတစ်ရိုးက ရက္ခိတနွယ် ရခိုင်.နွယ်ရို. ရခိုင်စည်ကြီး ဗြိန်းစောင်တီးကေ ရိုးတောင်ခြီကို လာကတ်ဝေ လက်တိချိတ်ဗျာလ် ညီကတ်မေ ......... ဗြိန်းစောင်တီးကေ ညီကတ်မေ ..... ရိုးတောင်ခြီမာ ဆုံကတ်မေ ......။

(မှတ်ချက် ။ ။ ရခိုင်.နိုင်ငံတော်ကြီး အချူပ်အချာ ကျဆုံးလခရေနိ နှစ် (၂၂၉) နှစ်မြောက် ၀မ်းနည်းခြင်းအထိမ်းအမှတ်အနီနန်. အကိုကြီး ၊ အကိုလတ် ၊ အကိုချေ ၊ အမေကြီး ၊ အမေလတ် ၊ အမေချေ ၇ို.တိနန်. ညီချေ ၊ ညီမချေ ၊ တူချေ ၊ တူမချေတိနန်. နောင်လာနောင်သား မျိုးဆက်သစ်ချေတိ သိစီဖို.အတွက် ရခိုင်လူမျိုးတိ ဇာပိုင်ဘ၀က အသက်တိကို ဖက်နန်.ထုပ်ဗျာလ်ဗြီးခကတ်ရလေလို.ဆိုစွာကို မှတ်ထားခ ၊ ဖတ်ထားခ ၊ ကြားဖူးနားဝ တိကို ပြန်ပနာ မျှဝီပီးလိုက်ခြင်းဖြစ်ပါရေ။
ယင်းအချိန်ကာလက ရခိုင်နိုင်ငံတော်ကြီးအတွက် အသက်ကိုပဓာနမထားပဲ ခုခံကာကွယ်ခကတ်တေ ရခိုင်.သူရဲကောင်းကြီးတိနန်. ရခိုင်ပြည်သူ/သားတိအပါအ၀င် ဒေအဖြစ်အပျက်တိကို ပြောခကတ်တေ ဆိုခကတ်တေ ၊ ပို.ချခကတ်တေ အဖီးသျှင် အဖီးမ ၊ အဒါ၇ို.တိနန်. အဖိုးသျှင် အဘောင်သျှင်ရို.တိ ၊ အကြီးမ၇ို.နန်. ဘကြီး(ဘ၈ျီး) ၀ရီး၇ို.တိကိုပါ လက်ဆယ်ဖြာထိပ်မာမိုးဗျာလ် ဇီတင်ဟြှိခိုးလိုက်ပါယင်.၊ ကောင်းရာသု၈တိကိုရောက်ကတ်ပါလီ ၊ ရောက်လီရာဘုံဘ၀တိကနီပနာ မိသားစုတိက ပီးရေအမျှအတမ်းတိကိုလေ.ရလီကတ်ပြီးကေ သာဓုခေါ်နိုင်ကတ်ပါလီ .....။)

တက်တိုးမောင်(မြို.ဟောင်း)

0 comments: