Pages

Thursday, December 5, 2013

ရခိုင်တို့အတွက် ရွေးစရာလမ်း

 ရခိုင်ပြည်နယ်တွင် လက်ရှိဖြစ်ပွားနေသည့် ရခိုင်ပါတီနှစ်ရပ် ပေါင်းစည်းရေးအပါအ၀င် ရှေ့ဆက် လျှောက်လှမ်း ရမည့် အနာဂတ်အမျိုးသားနိုင်ငံရေးခရီးကို ရခိုင်ပြည်သူတစ်ဦးအနေဖြင့် တင်ပြလိုပါသည်။မိမိမှာ နိုင်ငံရေး သမား တစ်ဦး မဟုတ်သည့် သာမန်အရပ်သား ကျောင်းဆရာတစ်ဦးဖြစ်၍ တင်ပြချက်ပါ ဝေါဟာရ၊ စကားလုံး များနှင့် တွေးခေါ်ယူဆချက်များမှာ နိုင်ငံရေးမဆန်ဖြစ်နေက နားလည်ပေးကြပါရန်လည်း ကြိုတင် တောင်းပန်ခံ ပါသည်။ ကျွန်တော့်အမြင် ရခိုင်တို့၏မူလနိုင်ငံရေးလမ်းစဉ်မှာ လုံးဝလွတ်မြောက်ရေးဖြစ်သည်။ဤမူက အစောပိုင်းကာလ လက်နက်ကိုင်အုပ်စုများနှင့် ရခိုင်နိုင်ငံရေးသမားများစွဲကိုင်ခဲ့ကြပေလိမ့်မည်။သို့သော် ရခိုင်တို့၏ မဟာဗျူဟာ မည်သို့ပင်ရှိလင့်ကစား ၁၉၉၀ပြည့်နှစ်ပါတီစုံဒီမိုကရေစီအထွေထွေရွေးကောက်ပွဲတွင် နည်းဗျူဟာအရ ဖက်ဒရယ်ပြည်ထောင်စုစနစ်ဖြင့် ကိုယ့်ကြမ္မာကိုယ်ဖန်တီးရေးလမ်းစဉ်ကို အခြားသောတိုင်းရင်းသားများနည်းတူ ရခိုင်တို့ချမှတ်ခဲ့ရသည်။ ၁၉၈၈ခုအရေးအခင်းမှဒီမိုကရေစီလမ်းကြောင်းကို မြန်မာတို့လျှောက်လှမ်းမည်ဆိုရာ၌ ဗမာနိုင်ငံရေး၌ အာဏာရ စစ်အုပ်စုနှင့် အတိုက်အခံNLDတို့၏ ကွဲပြားသောအနေအထားတွင် ရွှေးကောက်ပွဲအနိုင်ရပြီး သဘောထားပျော့ပျောင်းသည့် NLD နှင့်တိုင်းရင်းသားပါတီများ မဟာမိတ်ဖွဲ့ခဲ့ကြသည်။ အထူးသဖြင့် ရွေးကောက်ပွဲအနိုင်ရပါတီအနေဖြင့် ဖွဲ့စည်းပုံအခြေခံဥပဒေကို ရေးဆွဲခွင့်ရှိနေလေရာ အဆိုပါဥပဒေတွင် တိုင်းရင်းသားများ၏ တန်းတူညီမျှမှုနှင့် 


ကိုယ်ပိုင်ပြဋ္ဌာန်းခွင့်အပြည့်အ၀ပြဋ္ဌာန်းနိုင်ရေးအတွက် ထိုသို့ပူးပေါင်း ခဲ့ကြခြင်းဖြစ်ပေမည်။ သို့သော် စစ်အုပ်စုက တိုင်းရင်းသားများအားအခွင့်အရေးအပြည့်ပေးလိုက်က ပြည်ထောင်စုပြိုကွဲနိုင်သည်ဟု ယူဆသည်ကတစ်ကြောင်း၊ မိမိတို့၏ အကျိုးစီးပွား ထိခိုက်နစ်နာမည်ကိုစိုးရိမ်သည်ကတစ်ကြောင်း အကြောင်း ကြောင်း ကြောင့် ရွေးကောက်ပွဲအနိုင်ရပါတီအား ဥပဒေရေးဆွဲခွင့်နှင့်အာဏာလွှဲပြောင်းရေးကို ဆောင်ရွက် မပေးခဲ့ချေ။ မြန်မာ့နိုင်ငံရေးအပြောင်းအလဲအတွက်အရေးပါသော ဖွဲ့စည်းပုံဥပဒေကို စစ်အစိုးရအလိုကျသာ စီမံရေးဆွဲစေခဲ့သည်။ထိုဖွဲ့စည်းပုံအခြေခံဥပဒေဖြင့်သာ ၂၀၁၀ရွေးကောက်ပွဲကို ထပ်မံကျင်းပပေးခဲ့သည်။ ဤသည်မှာ တိုင်းရင်းသားတို့၏ တန်းတူညီမျှမှုနှင့် ကိုယ်ပိုင်ပြဋ္ဌာန်းခွင့် အပြည့်အ၀ပါသည့် ဖက်ဒရယ် ပြည်ထောင်စု ဖွဲ့စည်းပုံဥပဒေကို မဖြစ်ရလေအောင် ၁၉၉၀ပြည့်နှစ်ရလဒ်ကို ပစ်ပယ်လိုက်ခြင်းဖြစ်သည်။ ဖြစ်စဉ်များအရရခိုင်ပါတီနှစ်ခုရှိလာခဲ့ရသည်။ ၉၀ခုနှစ် ရွေးကောက်ပွဲတွင် ရခိုင်ဒီမိုကရေစီအဖွဲ့ချုပ်(ALD) က ရခိုင်အနိုင်ရပါတီဖြစ်ပြီး အခြားတိုင်းရင်းသားပါတီများနည်းတူ NLDနှင့်မဟာမိတ်ဖွဲ့ကာ အတိုက်အခံ လမ်းကြောင်းတွင် ရပ်တည်ခဲ့ပြီး စစ်အစိုးရ၏ ၂၀၀၈ ဖွဲ့စည်းပုံကိုကန့်ကွက်၍ ၂၀၁၀ ရွေးကောက်ပွဲကို သပိတ် မှောက်ခဲ့သည်။အခြားတစ်ဖက်တွင် ရခိုင်တိုင်းရင်းသားများ တိုးတက်ရေးပါတီ (RNDP)မှာစစ်အစိုးရ၏ ၂၀၀၈ ဖွဲ့စည်း ပုံကို ခြေအနေအရ လက်ခံ၍ ၂၀၁၀ရွေးကောက်ပွဲကိုဝင်ရောက်ခဲ့ခြင်းဖြစ်သည်။ပါတီနှစ်ရပ်၏ ဖြစ်ပေါ်မှု ကိုအခြေခံ၍ အားမနာတမ်းပြောရလျင် ALD က အတိုက်အခံ NLDနှင့်နီးစပ်ခဲ့ပြီး၊ RNDPက စစ်အုပ်စု(သို့) စစ်အုပ်စုအသွင်ပြောင်းသည့်အာဏာရပါတီနှင့် အသွင်သဏ္ဍာန်အရ နီးစပ်ခဲ့သည်ဟု ဆိုရမည်။ စီးဆင်းရာ လမ်းကြောင်း မတူညီသော်လည်း “ရခိုင်”ဟူသော အသိဖြင့် ဤပါတီနှစ်ရပ်တို့ ဆုံမှတ်တစ်ခုတွင် ပေါင်းစည်းဖို့ ဆုံးဖြတ်ခဲ့ကြသည်။ယင်းသို့ဆုံးဖြတ်လိုက်ခြင်းသည် ရခိုင်ပြည်သူလူထုအတွက်မည်မျှ အကျိုးရှိမည်နည်း။ ရခိုင်နိုင်ငံရေးအတွက်မည်မျှ အထောက်အကူဖြစ်မည်နည်း။ မြန်မာအစိုးရအတွက် မည်သည့် အကျိုး ကျေးဇူး ဖြစ်ထွန်းစေမည်နည်း။ ပါတီတစ်ခုတည်းမူဖြင့်သွားခြင်းသည် ရခိုင်ပြည်သူလူထုအကျိုးစီးပွားကို ယခင်ကထက် ဦးဆောင်လမ်း ညွှန်မှု ပေးနိုင်မည်မှာသေချာသည်။အကြောင်းကြောင်းကြောင့် ရွေးကောက်ပွဲတွင်မဲမနိုင်ခဲ့ရသည့်တိုင် ပြည်သူလူထု၏ ညီညွတ်မှု အင်အားကို ယခင်ကထက် တိုးပွားစေပါမည်။ သို့သော် ပြည်မတွင် အာဏာရနှင့် အတိုက်အခံ နှစ်ခြမ်းကွဲနေပါက(သို့မဟုတ်) ယင်းအသွင်မျိုးဆောင်နေလျင် လမ်းကြောင်းရွေးရန် အထူးသတိပြုရပေမည်။ တချို့သော ဗမာလူမျိုးများအပေါ် သတိထား သူများက ပြည်တွင်းနိုင်ငံရေးတွင်လည်း အုပ်စုကြီးနှစ်ခု ထပ်မံဖြစ်ပွားလာနိုင်၍ နှစ်လမ်းမောင်းစနစ် ဖြင့်သွားလိုသူများလည်းတွေ့ရသည်။ တချို့ကမူ ရခိုင်တစ်ပါတီ တည်းရှိလျင် အာဏာရလာပါက အာဏာရှင် ဆန်လာမည်ကို စိုးရိမ်၍ ပါတီနှစ်ရပ်ဖြင့်သွားလိုကြသည်။အဆိုပါ သဘောထားကွဲလွဲသူများမှာ၎င်းတို့၏ သဘောထားများကို ပြောင်ကျကျဖွင့်ဟခြင်းမပြုရဲကြဘဲ ရခိုင်အမျိုးသား ပါတီမပေါ်ပေါက်ရေးအတွက် အခြားသော နည်းလမ်းများဖြင့်သာ သွယ်ဝိုက် လုပ်ဆောင် နေကြသည် ကိုတွေ့ရသည်။ဥပမာ တစ်ဖက်ပါတီ ခေါင်းဆောင်များ အချင်းချင်းသွေးကွဲစေသည့်ပုဂ္ဂိုလ်ရေးဆန်ဆန် ထိုးနှက် မှုများဖြင့်စတင်ကြသည်။ ထိုသို့ရခိုင်အချင်းချင်းရှက်စရာကောင်းလှသည့် ပုဂ္ဂိုလ်ရေးထိုးနှက် နေမည့် အစား အမှန်တကယ် ရခိုင်ပြည်နှင့် ရခိုင်လူမျိုးအပေါ် စေတနာရှိလျင် မိမိတို့၏ သဘောထားများကို ပွင့်ပွင့်လင်းလင်းချပြသင့်သည်။ ကျိုးကြောင်း ဆီလျော်မှုရှိက ရခိုင်ပြည်သူတို့ လက်မခံနိုင်သေးသည့်တိုင် သမိုင်းအတွက် အထောက်အကူဖြစ်စေနိုင်ပါသည်။ နိုင်ငံရေးနှင့်ပုဂ္ဂိုလ်ရေးကို ကွဲကွဲပြားပြား လုပ်ဆောင်သင့် သည်ဟုထင်ပါသည်။ ရခိုင် တစ်ပါတီတည်း ဖြစ်ရုံမျှနှင့် ရခိုင်နိုင်ငံရေးတစ်ခုလုံးကိုစွမ်းဆောင်နိုင်မည်တော့မဟုတ်။ ပြည်တွင်းပြည်ပ အခြားအင်အားစုများနှင့်လည်းဟန်ချက်ညီညီလုပ်ဆောင်ရန်လိုပါမည်။နိုင်ငံရေးနှင့်တော်လှန်ရေးကို ချိန်ခွင်လျှာ ညီထိန်းနိုင်ရန်လည်းလိုသည်။ ပါတီတစ်ခုတည်းဖြစ်၍ နေရာလုမှုများ ပို၍ ပြင်းထန်လာနိုင်သလို၊ ပါတီတွင်း ဆရာမွေးတပည့်မွေးမှုများ၊အုပ်စုဖွဲ့ခြင်းများလည်းပိုကဲလာနိုင်ပြီး၊ တစ်ဖက်အင်အားစုများ၏ ပါတီတွင်း သပ်လျှို သွေးခွဲမှုများလည်း ယခင်ကထက် ပိုများလာနိုင်သည်။သို့အတွက်ကြောင့် မူဝါဒများကို လက်တွေ့ ဖော်ဆောင် ရာ၌ ကြန့်ကြာမှုများလာနိုင်သည်။ ရခိုင်ပါတီရွေးကောက်ပွဲအနိုင်ရ၍ ပြည်နယ်အစိုးရဖွဲ့စည်းရေးမှာမူ ဗမာလူမျိုးများ၏ ရခိုင်ကို ထိန်းချုပ်ထားမှု ပါဝါ လျှော့ပေးခြင်းရှိမရှိအပေါ်မူတည်ရုံသာမက၊ဖွဲ့စည်းပုံအခြေခံဥပဒေပြင်ဆင်ရေးနှင့်လည်းသက်ဆိုင်သည်။ ဖွဲ့စည်းပုံအခြေခံဥပဒေအရ ဆိုလျင် ၄င်းဥပဒေကိုပြင်ဆင်ရန်အလွန်ခက်ခဲလွန်းနေသလို ရခိုင်အပါအ၀င် တိုင်းရင်းသားများက မိမိတို့ပြည်နယ်အစိုးရကို မိမိတို့တိုင်းရင်းသားပါတီများနှင့်ဖွဲ့ရန်မှာ မဖြစ်နိုင်ပေ။ အထူး သဖြင့် စစ်တပ်မှ အမတ်နေရာ၂၅%ရယူထားသည့် လက်ရှိဖွဲ့စည်းပုံဖြင့် ဒုတိယသက်တမ်းတွင် ပို၍ပင် မဖြစ်နိုင်ပေ။သို့ရာတွင် ရခိုင်ပြည်နယ်တွင် ရခိုင်ပါတီမဲအပြတ်အသတ် အနိုင်ရပြီးမှ မဲမသမာမှုများပြု၍ အစိုးရမဖွဲ့နိုင်အောင်ပြုလုပ်လာနိုင်သည်။လွှတ်တော်ကိုယ်စားလှယ်များကိုတရားစွဲခြင်း၊ပုဒ်မအမျိုးမျိုးတပ်၍ အရေးယူခြင်းမျိုးလည်းလုပ်လာနိုင်သည်။ အာဏာရမြန်မာအစိုးရကယင်းသို့ အောက်လမ်းနည်းများသုံး၍ချေမှုန်းလာ လျှင် ရခိုင်လူထုနှင့် အစိုးရတို့ ထိပ်တိုက်တွေ့လာနိုင်သည်။ထိုသို့ဖြစ်လာပါကရခိုင်ကိုထိန်းချုပ်ရန် ရခိုင်-ကုလားပဋိပက္ခအပါအ၀င် အခြား လှည့်ကွက်များ ကိုလည်း သုံးလာနိုင်သေးသည်။ရခိုင်နှင့်ကုလားပြဿနာသည် ရခိုင်ကိုထိန်းချုပ်ရန် ဗမာအစိုးရ ၏ ဆေးကောင်း တစ်ခွက်၊လက်နက်ကောင်းတစ်ခုလည်းဖြစ်လာနိုင်သည်။သို့အတွက်ကြောင့် ရခိုင်ပြည်နယ်မှ ဘင်္ဂလီခေါ်ကုလားများကို နိုင်ငံ၏မည်သည့်နေရာသို့မျှရွှေ့ပြောင်းမည်မဟုတ်သလို၊ ရခိုင်တွင်မရှိမဖြစ်ထားမည့် အသုံးအ၀င်ဆုံးလက်နက်ပင်ဖြစ်နေသည်။ အထက်ပါ ရခိုင်နိုင်ငံရေးအကြပ်အတည်းများ၊ နက်နဲသိမ်မွေ့မှုများကို အသိဥာဏ်ဆင်ခြင်တုံတရားနှင့်ယှဉ်၍ ဦးဆောင်မှုပေးနိုင်ရန်မှာ ရခိုင်တစ်ပါတီတည်းသာ ဖြစ်သင့်သည်။ပါတီခေါင်းဆောင်များကိုမူ ပါတီညီလာခံများ ဖြင့်ရွေးချယ်ခြင်းဖြင့် သန့်စင်မှုရပေလိမ့်မည်။ပေါင်းစည်းမည်ဟု ကမ္ဘာသိကျေညာပြီး၊မှတ်ပုံတင်လုပ်ငန်းစနေပြီး မှ ပုဂ္ဂိုလ်ရေးထိုးနှက်ချက်အကြောင်းပြ၊ဟိုအကြောင်းပြ သည်အကြောင်းပြလုပ်နေလျှင် ရခိုင်တမျိုးသားလုံး သိက္ခာကျအောင်လုပ်ပြနေခြင်းဟုသာ ပြည်သူများက ယူဆလာကြပြီး နိုင်ငံအလယ်၌ အရှက်ရဖွယ်သာ ဖြစ်ကြရပေမည်။ ဤသို့လုပ်နေမည့်အစား စကထဲကပင် ပြတ်ပြတ်သားသားငြင်းခဲ့သင့်ပါသည်။ လက်ထပ်ပြီး ကိုယ်ဝန်ရခါမှ လင်မယားမဟုတ်သေးဟုမလုပ်သင့်တော့ပေ။ သို့ဖြစ်၍ ရခိုင်ပါတီပေါင်းစည်း၍ ရခိုင်အမျိုးသားပါတီမှတ်ပုံတင်ရေးကို ရခိုင်အနာဂတ်နိုင်ငံရေး ခရီးအတွက် ကြိုဆိုသည်။နှစ်ပါတီခေါင်းဆောင်များ၏ဆုံးဖြတ်ချက်အရ ရခိုင်အမျိုးသားပါတီမှတ်ပုံတင်ခြင်းကို အပြည့်အ၀ ထောက်ခံသည်။ ပေါင်းစည်းရေး လုပ်ငန်းစဉ်အား မိမိထင်ပေါ်ကျော်ဇောလိုမှု တစ်ခုတည်းကို ကြည့်၍ ပုဂ္ဂိုလ်ရေး အသွင် ဆောင်ထိုးနှက်နေမှုများသည် အမျိုးသားသွေးစည်းညီညွတ်ရေးကို ပျက်ပြား စေသဖြင့် ထိုလုပ်ရပ် အား ပြင်းထန်စွာရှုတ်ချသည်။စပ်ကူးမတ်ကူးကာလတွင် နှစ်ပါတီကြား၌ဆွေးနွေးစရာများရှိက သတ်မှတ်အစည်းအဝေးဖြင့်ဖြစ်စေ၊ သီးခြားဆွေးနွေး၍ဖြစ်စေညှိနှိုင်းသင့်ပါသည်။ တမျိုးသားလုံး အရှက်ရ စေမည့် လုပ်ဆောင်ချက်မျိုးဖြင့် စိတ်ခံစားမှုကိုရှေ့တန်းတင်မဖြေရှင်းသင့်ပေ။ ရခိုင်အမျိုး သားပါတီကို ဦးဆောင်မည့် သူများတွင် အားနည်း ချက်များ ရှိလျင်လည်း သက်ဆိုင်ရာပါတီ၏ မူဝါဒ၊ စည်းမျဉ်း စည်းကမ်း များနှင့် အညီ ရွေးချယ်ကြ ပေလိမ့် မည်။ ပါတီခေါင်းဆောင်များကိုရွေးချယ်ခြင်းအလုပ်မှာ ရခိုင်အမျိုး သားပါတီ(ANP)၏ လုပ်ငန်းစဉ် သာဖြစ် သည်။ သို့ဖြစ်ပါ၍ ရခိုင်ပြည်သူ လူထု၏ ဆန္ဒအရ လည်းကောင်း၊ နှစ်ပါတီခေါင်းဆောင်များ၏ ဆုံးဖြတ်ချက် အရလည်း ကောင်း ပေါင်းစည်းမှုကို မလွဲမသွေ လုပ်ဆောင်ကြ ရပေတော့မည်ဟု ရေးသား လိုက်ရပါသည်။ 

လှထွန်းစိန်

0 comments: